اهداف محاسبة التكاليف

كتب الاستاذ: رفيق هاشم

اهداف محاسبة التكاليف :

• التخطيط و اعداد الموازنات


• تقييم المخزون والتوصل الى نتيجه النشاط


• اتخاذ القرارات الاداريه


• نظام مستمر للمعلومات


• الرقابه وقييم الاداء

هنتكلم عنها فيما بعد باستفاضه ,,

تحديد وحدة التكلفة:

يجب العناية بتحديد وحدة حساب التكلفة بصورة عملية تناسب النشاط

العدد : وحدة او دسته اوكرتونه او قطعه او حتى عشره قطع

الوزن : كيلو او طن او اردب ( زى المحاصيل ) .

الطول : متر او انش او سم او ياردة او خلافه .

امر التوريد : طلبية او كمية محدده .

 

الخلاصة :

فهمنا مما سبق ان التكاليف هى العناصر المرتبطه بالانتاج و المنتج  وتقسم الى تكاليف ثابته ( يتم دفعها سواء انتجنا منتج واحد او مليون ) و تكاليف متغيره ( تتغير بالزياده والنقص تبعا لكميه الانتاج ) و تكاليف مباشره ( ممكن ربطها بسهوله بالانتاج ) تكاليف غير مباشره ( يصعب ربطها بالانتاج – معدلات تحميل ) و تكاليف معياريه ( مبسقا قبل الانتاج ) و تكاليف فعليه ( حدد بعد الانتاج الفعلى ) .

و من هنا نقدر نقول ان مثلا مثلا الكوسه فى انتاج مواد غذائيه هى مواد مباشرة ( لانها ترتبط بسهوله بالانتاج ) كما انها متغيره ( لانها بتتغير حسب حجم الانتاج – لو انتجنا كيس واحد هنستخدم 4 كوسات ولو انتجنا ميه هنستخدم 400 كوسايه ) ,,, كما انها تكلفه معيارية قبل البدء فى الانتاج و فعليه بعد الانتهاء منه .

و نقدر نقول ان الكيس اللى يتغلف فيه برضو تكلفه مباشرة ومتغيره و ...... ,,,

و اجر العامل اللى بيغلفها او بيقشرها برضو مباشره ومتغيره ...

اما اجر محاسب التكاليف ف ده غير مباشره ( لان المحاسب دى بيشتغل للمصنع ككل فلا تستطيع ان تربطه ب خط انتاج الكوسه او البطاطس او البطيخ حتى ) كما انه ثابت ( يعنى سواء انتجنا او لم ننتج  هياخد مرتبه اخر الشهر ) و كذلك اهلاك المبنى الادارى كله ,,,,

مثال : بفرض ان التكاليف الثابته 5000 والمتغيره للوحده 3 جنيه و تكاليف صناعيه غير مباشره 2000 واحنا انتجنا 1000 قطعه .... يبقى اجمالى التكاليف كام ؟؟؟ و المنتج تكلف كام للانتاج ؟؟؟

يبقى اجمالى التكاليف عندى = ( 3 × 1000 ) + 5000+2000 = 1000 جنيه ودى كل التكاليف .

ونقدر نقول ان المنتج الواحد تكلف 10 جنيه .... صح ولا ايه ؟؟

و فى حته مهم اوى هنذكرها لاحقا وهى نظام تكاليف الاوامر او المراحل ..