كتب الاستاذ :رفيق هاشم
* التكاليف المباشرة:
هى كافة عناصر التكلفه التى يسهل تحميلها على المنتج بصوره مباشرة وواضحه مثل المواد المباشره او العمل المباشر المرتبط او الداخل فى انتاج المنتج بصورة مباشره ( مثل الاخشاب فى الموبيليا او الاسمنت والحديد فى المقاولات و غيره ) . ودى بتكون اهم حاجه انت لازم تاخد بالك منها وتراقبها باستمرار وتحسبها كويس وتحطها تحت عينك ... وغلبا هى المواد الخام والعماله وبتكون ذات القيمه الاكبر .
*التكاليف غير المباشرة:
هى كافة العناصر التى لا تدخل الانتاج بصورة مباشرة وقد لا تدخل فى عمليه الانتاج على الاطلاق .. مثلا الخيوط فى الازياء او المسمار و سلك الرباط فى المقاولات او الشحوم والزيوت للماكينات و هى فى الغالب بتكون مواد مساعده فى الانتاج اما التى لا تدخل فى الانتاج خالص مثل رواتب الاداريين او اهلاك المبانى فهو عنصر تكلفه غير مباشر و يدخل فى الانتاج وتحديد التكلفة لتحديد سعر البيع ( يعنى مش هينفع اصنع اصلا من غير مبنى فيه العدد والماكينات ولا ينفع اصنع من غير الخيوط ) .
و الجدير بالذكر ان دى اكبر مشكله بتقابل محاسب التاكليف عند تحديد كيفية توزيع الكلام ده على مراكز الانتاج و بالتالى تقسيمه على المنتج لتحديد السعر بدقه وهناك عده طرق كتيرررر اوى هناخد منها شويه .
*تكاليف ثابتة:
هى تكاليف ثابته يتم دفعها سواء انتجنا وحده منتج او الف او مليون . مثل ايجار المصنع او اهلاك الالات فهى تحتسب بغض النظر عن الانتاج وتسمى التكاليف الميته احيانا مع التحفظ . يعنى انا لو انتجت علبه صلصه واحده هدفع الايجار الف جنيه و تامين الف مثلا . يبقى نصيب الوحده من الانتاج = 2000 ج .
ولو انتجت 10 وحدات هدفع نفس التكاليف لانها ثابته . بس هتكون نصيب الوحده 2000/10=200 ج
ولو انتجت 1000 وحده يبقى نصيب الوحده = 2000/1000 = 2 جنيه . يعنى كل ما بيزيد الانتاج بتقل التكلفه . يعنى علاقه عكسيه .
تكاليف متغيرة
هى تكلفة متغير حسب حجم الانتاج ة تزيد وتنقص تبعا له مثل اجور العامل المباشره او المواد المباشره فى الانتاج ( الاقمشه فى الازياء ) فكلما انتجنا اكثر كانت التكلفة المتغير اكثر ف اكثر ..... يعنى مثلا عندى بنتج البلده ل 3 م قماش .. لو انتجنا بدله يبقى انا محتاج 3 م ,,, ولو بدليتن يبقى 6 م .. ولو 100 بدله يبقى 600 م .. فهم متغيره بتغير الانتاج . بتزيد معاه وتقل معاه . يعنى علاقه طرديه .
| خلى بالك : التكلفه المتغيره كلما اتغير لانتاج بتتغير تكلفه .. اما الثابته فهمى مثلا 30 جنيه و كل ما الانتاج بيتغير هى ثابته .. لانى كده كده هدفع الايجار و التامين و مش عارف مين سواء لم انتج او انتجت الف . |
خلى بالك برضو ان التكلفه الثابته بتكون لحد حجم انتاج معين .. وبعدها لازم تعلى وتصبح فى حد تانى .
مثلا : انا عندى المصنع ده ماجره ب 1000 جنيه واقدر احط فيه 4 مكنات و انتج 5000 وحده .. لو عاوز انتج 8000 وحده لازم اقوم بتاجير حته تانى جنبه بقيمه 500 ج . يبقى التكاليف ثابته لحد حجم انتاج معين ولو هيزيد يبقى لازم ازود التكلفه اللى هتكون ثابته برضو بس فى حجم انتاج مختلف . ودى تكلفه شبه ثابته فى الحاله دى .. علشان لو حد قالك يعنى ايه شبه ثابته تعرف تقولو ايه J
*تكاليف فعلية .
هى التكلفة التى حدثت ووقعت بالفعل وتم دفعها ولا يمكن قياسها الا بعد اتمام عمليه الانتاج وتحديد عناصر التكلفه و حسابها ,و تقارن بالتكلفة المعيارية لتحديد اوجه القصور و الرقابة وخلافة ,,,
*تكاليف معيارية .
هى التكلفة التى تحدد قبل عملية الانتاج وقبل البداء فيه لتحديد التكلفة مسبقا , اى انها تكلفة متوقعة وليست فعليه وقد تزيد او تقل عن الفعليه و تقارن بالتكلفة الفعليه بعد الانتهاء من دورة الانتاج ,,,
*تكاليف تاريخيه .
هى التكلفة التى تحدد قبل عملية الانتاج وقبل البداء فيه لتحديد التكلفة مسبقا اعتمادا على البيانات التاريخيه المسجله قديما و هى طريفه غير جيده و غير دقيقه بالمره , اى انها تكلفة متوقعة وليست فعليه وقد تزيد او تقل عن الفعليه و تقارن بالتكلفة الفعليه بعد الانتهاء من دورة الانتاج ,,,
*تكاليف الانتاج .
هى التكلفه المباشره من مواد مباشره و اجور مباشره فقط .( شويه قماش وراجل خياط بس )
= مواد مباشره + اجور مباشره .
*تكاليف التحويل .
هى التكلفه المباشره من مواد مباشره و اجور مباشره و تكاليف صناعيه مباشره و غير مباشره .( يعنى تحويل المواد الخام الى انتاج وده عاوز الراجل الصنايعى + والكهرباء واهلاك وزيت المكن وشاى وسكر ..
= مواد مباشره + اجور مباشره + ت ص غ م
*تكاليف الكليه .
هى التكلفه التحويل مضاف اليها تكاليف اداريه وعموميه ووتسويق وكل حاجه اخرى و غيرها
= ت التحويل + ت اداريه و تسويق وخلافه
( يعنى القماش والراجل الخياط والمكن والنور والميه والاهلاك وايجار عنبر الانتاج وبلابلابلابلا )
